பள்ளரென்றும் பறையரென்றும்
பாகுபாடு தந்துவிட்டு
ஆதிமுதல் சாதி காட்டி
அல்லல் எமக்குத் தந்ததென்ன?
பிரம்மனவன் யோனிவழி
பிறந்தவர்கள் நாமென்றால்
பிரம்மனவன் பிறப்பின்வழியும்
எதுவென்றே நீர் கூறுவீரோ?
எம் உழைப்பில் காணா தீட்டை நீயும்
உறவில் மட்டும் உணர்வதென்ன? - நாம்
உழைத்துக் கொடுத்த காசு சுத்தம்!
உழைப்போர் என்றும் அசுத்தமா?
சூத்திரரும் வந்து சென்றால் வீட்டு
வாசல் திண்ணைதனை மாட்டு
மூத்திரத்தால் கழுவிடும் நீ - உம்
மனதை என்று சுத்தம் செய்வாய்?
8 comments:
புற்று நோயாய் புரையோடிப் போன ஒரு சமூக அவலத்திற்கு நவீன சாட்டையடி...
keep it up, முண்டாசுக் கவிஞ்ஞ.
//எம் உழைப்பில் காணா தீட்டை நீயும்உறவில் மட்டும் உணர்வதென்ன? - //
நச் வரிகள்...
வருகைக்கும் பகிர்ந்துகொண்ட உணர்வுக்கும் நன்றிகள் பல
தெகா மற்றும் நாகை சிவா!
நல்ல கவிதை....
//எம் உழைப்பில் காணா தீட்டை நீயும்உறவில் மட்டும் உணர்வதென்ன? - நாம்உழைத்துக் கொடுத்த காசு சுத்தம்!உழைப்போர் என்றும் அசுத்தமா?//
அருமை...
இராம்,
மிக்க நன்றி!
அருமையான கவிதைகள்.
நான் இதுபோல் எழுதும் போது பின்னூட்டத்தில் கவனம் தேவை. என் பதிவில் சொறிநாய்க்கு பிறந்த தெருநாய் ஒன்று மூத்திரம் போனது.
வேறு வழியின்று கழுவினேன்.
//அருமையான கவிதைகள்.//
மிக்க நன்றி கோவி.கண்ணன் அவர்களே!
//என் பதிவில் சொறிநாய்க்கு பிறந்த தெருநாய் ஒன்று மூத்திரம் போனது.
வேறு வழியின்று கழுவினேன்.
//
சில விலங்குகள் வந்து செல்லும்போது கழுவி விடத்தான் வேண்டியிருக்கிறது.
//பள்ளரென்றும் பறையரென்றும்பாகுபாடு தந்துவிட்டுஆதிமுதல் சாதி காட்டிஅல்லல் எமக்குத் தந்ததென்ன?//
ஆதி முதல் என்று நான் ஒத்துக் கொள்ள மாட்டேன்
//பிரம்மனவன் யோனிவழிபிறந்தவர்கள் நாமென்றால்பிரம்மனவன் பிறப்பின்வழியும்எதுவென்றே நீர் கூறுவீரோ?
//
பாரதி இப்படி எழுத மாட்டான் என்றே நினைக்கிறேன்
//எம் உழைப்பில் காணா தீட்டை நீயும்உறவில் மட்டும் உணர்வதென்ன?//
உண்மையிலேயே நன்றாயிருக்கிறது!!!
Post a Comment