பள்ளரென்றும் பறையரென்றும்
பாகுபாடு தந்துவிட்டு
ஆதிமுதல் சாதி காட்டி
அல்லல் எமக்குத் தந்ததென்ன?
பிரம்மனவன் யோனிவழி
பிறந்தவர்கள் நாமென்றால்
பிரம்மனவன் பிறப்பின்வழியும்
எதுவென்றே நீர் கூறுவீரோ?
எம் உழைப்பில் காணா தீட்டை நீயும்
உறவில் மட்டும் உணர்வதென்ன? - நாம்
உழைத்துக் கொடுத்த காசு சுத்தம்!
உழைப்போர் என்றும் அசுத்தமா?
சூத்திரரும் வந்து சென்றால் வீட்டு
வாசல் திண்ணைதனை மாட்டு
மூத்திரத்தால் கழுவிடும் நீ - உம்
மனதை என்று சுத்தம் செய்வாய்?
